Comentarios recibidos

labenefica.infiestu Aportación fecha por: Asociación cultural "La Benéfica de Piloña"

La programación cultural nel rural asturianu debería, al nuestru entender enfotase en 4 inquietudes qu’altraviesen les zones rurales afastaes del centru d’Asturies; pero que vemos extrapolables a otres zones rurales d’otros llugares: expresión artístico/cultural, acción comunitaria, despoblación, tresmisión de conocimientos. Creemos na cultura y na expresión artística como motores xeneradores de riqueza material e inmaterial al traviés del cuál podemos trabayar nestes 4 fasteres. Crear proyectos que dean visibilidá a la expresión artística contemporánea y vanguardista, pero tamién a la cultura popular y tradicional. Creemos que se debería valorar la recuperación d’espacios con interés históricu/artísticu, pero que l'actividá del proyectu trescienda las llendes d'estos espacios. Ye dicir, proyectos que recuperen el pratimoniu material pero a l'empar nutran y se nutran de la realidá cultural del territoriu onde s'asitien. Les ayudes deberían favorecer proyectos de nueva creación, yá que la realidá social rural, ta tresformándose a un ritmu bien rápidu y tan apareciendo nueves necesidaes qu'hai que potenciar. Ta xurdiendo un nuevu contestu social rural enllenu d'artistes que busquen enraizar la so residencia vital y creativa nos pueblos y aldees asturianes, favoreciendo y diversificando la economía de los conceyos rurales y tornando la despoblación. Estes ayudes deberíen favorecer proyectos de llarga duración que fixen población non estacional. Proyectos que xeneren pequeñes universidades del conocimientu tradicional, qu’averen y qu’esnidien la tresmisión de conocimientos interxeneracional. Llugares onde’l vieyu que sabe, sepa que pue dir a enseñar, pero tamién a deprender y onde la persona que quier deprender, sepa que puede venir facelo mediante la creación d’ archivos d'artistes y creadores a los que poder acudir, superando la tradicional división entre arte y artesanía, alta y baxa cultura, vanguardia y tradición. Llugares dende los que reivindicar figures artístiques/sociales/culturales locales, que contribuyen o contribuyeron a lo global y nun creemos lo suficientemente reivindicaes, y la memoria hestórica. En resumen, estes ayudes deberíen beneficiar a proyectos: - Desenvueltos nel mediu rural. - De llarga duración. -Non estacionales. - Qu'usen l'asturianu como llingua vehicular. - Proyectos de nueva creación. - Que descentralicen Asturies y potencien la creación nes "ales" oriental y occidental. - Que dean visibilidá a tola creación artística que se bien desarrollando nes aldees y pueblos dende va dellos años. - Que prioricen la mano de obra local, tanto pa lo artístico como pa otres necesidades laborales. - Que fomenten la profesionalización del sector cultural asturianu, xenerando un texíu creativu estable. - Que faigan rede non namás col contextu inmediatu asturianu si non con iniciatives desarrollaes n'otros territorios. Aportación fecha por: Asociación cultural "La Benéfica de Piloña"

2021-04-03